Isch geb aich en Tipp, dud des jetzt laud lesa,
donn väschted da a dä Dialekt bessa 🙂
Un nur noch ä Bemerkung schnell äm Rond –
Des sou zu schreiwa välongt a allahond…
Äm Faschingsdienschdag ischs widda sowait –
Uff dä Stros väsommla sisch alle Laid.
A mir vun dä Bürgawehr sin widda dabei,
drum geht ruich gern zu dä Ortsmid noi!!!
Vorm Vaoinshoim sin ma widda zu finna –
Gut zu wissa vo Monn, Fra un Kinna.
Sgibt was zu Essa un dringa gonz klar
Desmol ä Heisi un Schtek wie letscht Joar.
Un nochem Umzug, wenn drausa wäd zu kalt
Gehma gonz oifach noi ins Warme halt…
Dort lossama noch bissle dä Dag ausklinga –
Kumma däf jeda, so wie halt imma.
Mir fraya uns uf aich, des wisda bschtimmd
Egal, ob jung oda alt, Monn, Fra oda Kind.
Ä dreifaches Helau vun dä Bürgawehr
Schreibt aich, na isch, ihr wisst jo schun wer 🙂
Und hier nochmal ne kurze Zusammenfassung;-)
Am Fasnachtdienstag, 13. Februar 24
vor und während des Umzuges
Verkostung vor dem Bürgerwehr Vereinsheim.
Diese Jahr gibt es Steaks, Heiße Würstchen, Käsebrötchen und natürlich genug Getränke zur Auswahl…
Wir freuen uns auf euch alle!!!
Im Namen der Bürgerwehr
Helga Just
P.S. Für Rechtschreibfehler kann ich nix 😉